Жеке тұлғалардың мерзімі өткен қарыздарын өтеу тәртібі

«Қазақстан Республикасының банктер және банктік қызметі туралы» 1995 ж. 31 тамыздағы №2444 Заңына сәйкес берешекті реттеу шарттары мен тәртібі және төлемге қабілетсіз қарыз алушыға қатысты қолданылатын шаралары келесідей анықталған.

Банк, Клиенттің Банктік Қаржыландыру келісім-шарты бойынша міндеттемені орындауды өткізіп алған кезде, Клиентке келесіні хабарлауға міндетті:

• міндеттемені орындау бойынша мерзімді өткізіп алудың туындағаны және хабарламада көрсетілген күнге мерзімі өткен берешектің мөлшерін көрсете отырып, төлемдерді енгізу қажеттігі туралы;
• Клиенттің банкке өтініш жасауға құқығының барын;
• Клиенттің қаржыландыру келісім-шарты бойынша өз міндеттемелерін орындамауының салдарлары, оның ішінде Банк берешекті өндіру үшін қолданатын шаралары және оларды орындау мерзімі туралы.

Сонымен қатар міндеттемені орындау мерзімін өткізіп алу басталған күннен бастап күнтізбелік 30 күн ішінде Клиент Банкке жолығып, міндетті түрде мерзімін өткізіп алу себептерін және осы жағдайды растайтын құжаттарды тапсырып, қаржыландыру келісім-шартының шарттарын өзгерту туралы жазбаша өтініш жасауға хұқылы екенін еске саламыз.

Банк, Клиенттің өтінішін алған соң, күнтізбелік 15 күн ішінде келісім-шарттың шарттарына енгізуге ұсынылған өзгертулерді қарастырып, Клиентке:

• қаржыландыру келісім-шартына енгізуге ұсынылған өзгертулермен келісетінін;
• қаржыландыру келісім-шартының шарттарын өзгерту бойынша өзінің ұсыныстарын;
• өзінің бас тарту себептерінің дәлелді негізін көрсете, қаржыландыру келісім-шартын өзгертуден бас тартатынын хабарлайды.

Клиент өтінішті Банктің филиалдары арқылы бере алады.

Банк пен Клиент арасында қаржыландыру келісім-шартын өзгертуге қатысты өзара қолайлы шешімге қол жеткізбеген жағдайда, Клиент Қазақстан Республикасының Қаржы нарығын реттеу және дамыту агенттігіне жүгінуге хұқылы екенін хабарлаймыз.

Жеке тұлғалардың мерзімі өткен берешегін реттеу бойынша байланыстағы тұлғалардың тізімі: